Portafit (بورتافِت) موقع سعودي مجاني يساعدك تجمّع عدة القهوة المختصة صح من أول مرة — سواء كنت تبدأ من الصفر، أو عندك عدة وتبي ترقيها.
الفكرة بدأت من مشكلة يعرفها كل واحد دخل عالم القهوة: تشتري مكينة، وبعدها تكتشف إن التامبر ما يركب لأن المقاس غلط، أو إن الطاحونة ما تطحن ناعم بما يكفي للاسبريسو، أو إنك دفعت أكثر من اللازم لأن نفس المنتج أرخص بمتجر ثاني. والمعلومات متفرقة بين مواقع كثيرة وأغلبها بالإنجليزي.
فجمعنا كل شي بمكان واحد وبالعربي: آلاف المنتجات من مكائن وطواحين وأدوات باريستا وأكواب، ونفحص التوافق بين القطع، ونقارن لك الأسعار بين المتاجر عشان تشتري كل قطعة من أرخص مكان.
الأسعار: نجمع أسعار كل منتج من أمازون ونون ومتجر أفكار ونحدّثها باستمرار، ونكتب تاريخ آخر تحديث جنب كل سعر، ونحتفظ بتاريخ الأسعار عشان تعرف إذا السعر الحين زين ولا تنتظر.
التوافق: لكل منتج نسجّل مقاسه ونوعه (مثل مقاس البورتافلتر 51 أو 54 أو 58 ملم، وهل الطاحونة تطحن للاسبريسو)، وقواعد التوافق تقارن القطع ببعض وتشرح لك السبب لو فيه شي ما يركب.
الرأي: لكل منتج مميزات وعيوب مكتوبة بصراحة، والترتيب دايماً من الأرخص — ما نقدّم منتج لأن عمولته أعلى.
قد نحصل على عمولة عند الشراء عبر روابطنا بدون أي تكلفة إضافية عليك.
يعني لما تضغط «اشترِ من…» وتشتري، ممكن المتجر يعطينا نسبة بسيطة. السعر عليك ما يتغير أبداً، وهذا الشي يساعدنا نخلي الموقع مجاني وبدون إعلانات.
العمولة ما تأثر على ترتيب المنتجات أو نتيجة فحص التوافق. نرتب الأسعار من الأرخص دائماً، ونعرض تاريخ آخر تحديث لكل سعر.
نقرأ كل رسالة. اكتب لنا من نموذج الاقتراحات بالصفحة الرئيسية.
أرسل اقتراحك